"Seb, okay lang ba kung tototohanin ko 'to?"
Tumigil siya sa pagsubo at tinignan ako. Nagtataka ang mga mata at hinihintay na ipagpatuloy ko ang sinasabi ko.
"Itong relationship natin. Gusto kong totohanin. Ayos lang kung hindi mo ko pwedeng magustuhan o mahalin."
Buong gabi kong hindi makatulog dahil sa sinabi ni Vanessa. Alam kong tama siya. Ginagamit lang ako ni Sebastian, pinaglalaruan. Dahil walang lalaki ang gagawa nito lalo na kung may mahal siyang iba.
"Totoo namang tayo, 'di ba?" he said, at bumalik sa pagkain.
"Oo, tayo," mahina kong salita. "Gusto ko lang na malaman mong seseryosohin ko 'to."
Baka sa kaling kapag alam mo, hindi mo ko iwan. Kahit kaawaan mo na lang ako para hindi ka umalis.
"Seryoso rin naman ako."
Tinignan ko siya agad nang magsalita siya. Nginitian niy
