SEBASTIAN POINT OF VIEW
"Sebastian! Isa! Tatayo ka diyan o papakainin kita ng isda?!"
Tinignan ko lang si Hanon bago ko bumiling sa kabilang side ng kama.
"Parang sira!"
"'Wag kang maingay. Ang aga-aga pa," kibo ko.
"Tati!!!!!" sigaw niyang sumbong. "Si Sebastian ayaw bumangon!!!!"
"Hanon!" reklamo ko at lalong nanghina nang dumating si Tati. Seryoso ang tingin niya sa akin habang umiiling-iling. "Mas hindi ka nakakatakot noong pagong ka pa."
"Nakipaghiwalay ka sa kanya tapos hihiga ka diyan na para bang wala kang responsibilidad?"
"Tati, ikaw ang nagsabing hiwalayan ko na siya."
"Ang sabi ko, isipin mong mabuti kung kaya mong panindigan ang babaeng 'yon."
"Mamamatay ako at maiiwan ko lang din siya," sabi ko kasabay ng pag-upo sa kama. "Kung sobra ko talaga siyang masasaktan.
