"Ano ba 'yung kanina?" Napahawak ako sa labi ko habang nakatitig kay Sebastian na ngayon ay nasa harap at nakikipag-usap sa board of directors.
Bigla siyang tumingin sa akin na ikinaiwas ko agad. Nataranta pa ko at nabitawan ang ballpen na hawak.
"Ma'am Ariel, kanina ka pa namumula. Ayos ka lang ba?" bulong ni Cyntia. "Kung gusto mo, ako na muna dito. Kaya ko naman na, e. Pahinga ka muna."
"Sure ka?" tanong ko, sumusulyap-sulyap kay Sebastian.
"Oo naman." Pabibo siyang tumango.
"Sige, sa office na muna ko," bulong ko sabay tayo.
Dahan-dahan kong binuksan ang pinto at panandaliang nahinto nang makitang nakasunod ang mata ni Sebastian sa akin.
Nakahinga ko nang maluwag noong makarating ako sa office. Sobrang lambot ng upuan, para nitong kinukuha ang lahat ng stress ko.
Mamaya pa ang
