"Hoy, pansinin mo naman 'tong kapatid ko." Marahan akong siniko ni Klarize na nagpabalik sa akin sa ulirat.
Marami-rami na rin akong nainom. Wala akong ganang magsalita dahil sa pag-iisip ng mga nangyayari. Talaga bang tatanggalin niya na ko? 'Yung isda na 'yon ‐_- Gusto ko na siyang i-net.
"Okay lang," mahinang sabi ni Dan sa kapatid na mabilis kong tinignan.
"Sorry, medyo nahihilo na kasi ko," nahihiya kong paliwanag.
"Tama na 'yan kung nahihilo ka na." Inagaw ni Gina sa kamay ko ang isang bote. "Dan, iuwi mo na. Este, ihatid mo na," pabiro niyang sabi na tinawanan nila.
Nakatawa rin si Dan habang naiiling dahil sa mga biro sa aming dalawa. Hindi ko alam kung bakit nila naiisip na nililigawan na ko ni Dan. Eh, wala naman kaming pinagsasabihan no'n. Lumalabas-labas lang kami, oo. Pe
