"Alam mo bang Sol pala ang pangalan ng pinakamalapit na bituin dito sa earth?"
"Ang araw, oo."
"Sobrang galing, 'di ba?" tuwang-tuwang sabi ni Leonardo habang hawak ang isang childcraft.
Bored ko siyang nilingon bago ako tuluyang mahiga sa couch ko.
"Kanina ka pa parang hindi interesado sa sinasabi ko." Ngumuso siya at nagpatuloy sa pagbabasa.
"Magiging interesado ko diyan kung may nakalagay kung paanong makipag-break sa boyfriend."
"Bakit kailangan mo pa 'yong alamin? Ilang beses ka nang nakikipaghiwalay kay Sebastian hindi ba?"
Matalim ko siyang tinignan.
"Anong masama sa sinabi ko? At hindi lang 'yon. Hindi ba may sinasabi ka ring Noah sa akin dati? Tapos ngayon hindi mo alam kung paano?" sarkastiko niyang dugtong kaya napairap ako.
"Niloko niya ko. Saka iba si Dan, mabait siy
