"Pwede bang magtanong?" Sumulyap ako kay Sebastian bago ko ibaba ang hawak kong kutsara't tinidor.
Tumango lang siya kaya napaisip ako kung itatanong ko ba. Besides, ang sungit niya kasi nitong nakaraan dahil sa nangyari.
"Ano 'yon?" tanong na niya at tinignan din ako. "Like I told you, Ariel. Hindi kita tinanggal sa trabaho." Muli siyang sumubo.
"Hindi 'yon." Sumubo rin ako at nagkatinginan ulit kami nang sabay kaming tumusok sa iisang hotdog sa plato. "Sige, sa'yo na." Inalis ko 'yung sa akin.
"No, it's okay. Take it." Inalis niya rin ang sa kanya.
"Okay, akala mo ba mahihiya ako?" Nakangiti ko 'yon na kinuha at sinubo.
"Alam kong hindi." Umiling siya, tatawa-tawa sa akin.
"Bawal pa rin ba kitang tawaging Seb?" Tumigil siya sa tinanong ko at nagseryoso nang tingnan ulit ako. "Gus
