"Saan tayo pupunta?" kabado kong tanong. Hindi na ko mapakali dahil sa sobrang tagal ng byahe. Ilang beses na kaming lumiko at sa dami no'n, hindi ko na matandaan ang pauwing daan.
Hindi sumagot si Sebastian pero pamaya-maya rin ay tumigil siya sa pagmamaneho sa tapat ng isang malaking bahay, malapit sa dagat. Kulay blue ang dingding nito at maraming nakasabit na ilaw sa paligid na para bang nakaka-relax tingnan.
Nakuha ng windchimes ang paningin ko at ng isang sign na may nakasulat na, "Follow your heart. It will take you to the right destination."
Dire-diretso ang lakad ni Sebastian habang ako ay patuloy lang sa palinga sa buong lugar. Sobrang ganda, nakakamanghang tingnan.
"Restaurant ba 'to?" tanong ko na saktong pagharap din sa akin ni Sebastian. Agad akong nagulat at napahinto.
