Ipinunta ko si Leonardo sa itaas ng building. Parang bata siyang napanganga agad nang makita ang malaking pool ni Sebastian. Gano'n na gano'n din ang unang reaksyon ko sa pool na 'to.
"Hep! Hep! Anong ginagawa mo?!" Napatapik ako ng mukha noong tumalon siya sa swimming pool.
"Sobrang lalim. Parang ginawa talaga 'to para sa akin," tuwang-tuwa niyang sabi.
Hindi pa siya nakuntento at bigla na lang tinanggal ang damit na suot.
"Ama ba talaga kita? Kasi nagtitimpi na lang ako! Hindi ka nag-iisip! Saan kita ngayon ikukuha ng damit?!" kunsumido kong sigaw.
"Sa boyfriend mo?" Ngisi niya.
"Tsk, buti kung pahiramin ka niya."
"Mukhang mabait naman siya."
"Sa tingin mo?"
"Hmmm!" Pagtango niya at muling lumubog sa tubig. "Ano na ngang pangalan no'n? Dan ba?"
"Sebastian." Nagpamewang ako. "P
