Kabang-kaba ako habang bitbit ang isang may kalakihan na frame kung saan nakacompile ang mga pictures ni Gelo na kinuha ko noong araw na una ko s’yang nakitang lumaro ng basketball. Alam kong sa estado ng buhay n’ya ay nasa kanya na ang lahat at ito lang ang isang bagay na wala s’ya na meron ako. Kaya ito ang naisip kong iregalo sa kanya ngayong birthday n’ya.
“Paano ba ‘yan? May emergency ‘yung dancer na kasama namin? Paano na ‘to ngayon? Halos lahat ng choreo kailangan kasama s’ya!”
Iyon agad ang bumungad sa akin na balita nang makarating ako sa function hall kung saan gaganapin ang party ni Gelo mamayang gabi. Maaga kaming pumunta dito para ayusin ang program na ang nag facilitate ay mga scholars ng foundation.
“Talaga ba? Eh kung ‘yon na lang kayang sayaw n’yo noong foundation ang g
