Chapter Twelve
'Ayos lang po ako rito.'
Iyon ang paborito kong linya sa tuwing magkausap kami ng pamilya ko. Lumipas ang mga araw at buwan. Sobrang bilis.
Sagot ko iyon palagi sa tanong nila... kahit hindi totoo. Ayaw kong mag-alala sila. Gusto kong isipin nila na okay lang ako.
Pero habang lumilipas ang panahon na malayo ako sa kanila... alam ko sa sarili kong unti-unti akong nauubos.
Nakabayad na kami kay Manang Isidra. Nakabayad na rin kami kay Manang Guadalupe at Kateren.
Umaayon na sa pamilya ko ang tadhana.
Pero sa akin... hindi ko alam.
Nakipaghiwalay si Jay-r. Ultimo pamilya ko ay walang balita sa kanya. Sinubukan kong tawagan pero hindi sumagot kahit isa sa tawag ko.
Nililibang ko na lang din talaga ang sarili ko, eh. Para kayanin ang impyernong buhay rito sa baha
