Chapter Forty-two
Bago bumaba ay in-tuck in ko muna ang blouse na suot ko. Sunflower ang design no'n. Nangingibabaw ang dilaw na kulay ng sunflower. Pagbaba ko ay muli kong in-check. Si Angkol Fifth na nakababa na rin ay inayos pa ang kanyang bow tie na suot. Ang expensive ng dating ng kasama kong matanda. Sinipat pa nito ang itsura sa salamin ng sasakyan.
Para siyang prinsipe. Tapos ako iyong tambay sa gilid ng kalsada na nakatingin dito. Iyong sunflower na lanta. Gano'n level.
Bukod sa sasakyan ni angkol ay wala ring ibang sasakyan ang nakaparada rito sa parking lot. Baka walang customer ang restaurant.
Hindi ko alam kung good ba iyon. Pero sa akin... oo. Hindi ako maiilang na magtungo sa isang mamahaling restaurant.
Pero paano naman iyong restaurant? Hindi ba sila lugi no'n?
