Chapter Twenty-two
Isang malakas na sampal mula kay nanay ang natanggap ko nang makapasok kami sa bahay.
"Ano bang nangyayari sa 'yo, Vee? Hindi ka naman dating bayolente! Hindi ka naman dating sakit sa ulo namin ng tatay mo. Nakapag-abroad ka lang ay naging ganyan ka na. Nagbasag ka pa sa bahay ng kapatid mo. Hindi na ikaw iyong Vee na pinalaki naming mag-asawa." Iyak ni nanay.
"Disappointed kayo na nagbago na ako? Mas lalo ako, 'nay. Umalis ako ng Pilipinas na puro sakit ng ulo ang ibinigay ninyong lahat. Tapos no'ng umuwi ako'y mas lumala lang kayong lahat. Nagbago ako? 'Nay, hindi ka ba nagtataka kung bakit nagbago ako? Tatlong taon. Literal na dugo't pawis ang ibinuwis ko para lang buwan-buwang makapagpadala rito sa Pilipinas. Sinaid n'yo ang bulsa ko, pero dahil mahal ko kayo ay
