“Hanggang dito ba naman ay sinusundan mo pa rin ako? Leave me alone, Wilma, tapos na tayo at pinutol ko na ang kaugnayan ko sayo.” Matigas na sabi ni Johnny sa mahinang boses upang walang ibang makarinig sa kanilang pag-uusap.
“Pakiusap, John, kailangan ko ng suporta mo, buntis ako at mas higit na kailangan kita ngayon.” Nagsusumamo na sabi ni Wilma habang pilit na inaabot ng mga kamay nito ang binata ngunit makailang ulit na kanabig nito ang kanyang mga kamay na wari mo ay nandidiri.
“Napakasimple ng problema mo, ipalaglag mo ang bata.” Tila nauubusan na ng pasensya na sabi ni Johnny. Ramdam sa tinig nito na wala siyang pakialam sa pinagbubuntis ng dating nobya. Saglit na natigilan si Wilma at hindi makapaniwala na nakatitig sa mukha ng lalaki. Ngayon niya pinagsisisihan ang pagpatol s
