DIANA POINT OF VIEW
Hindi ko alam kung bakit parang ito ang unang beses na naghalikan kami. Para kasing mas matamis pa ito kesa sa mga nauna. Mas malambing, mas masarap at mas nakakagaan ng pakiramdam.
Hingal kaming pareho na tumigil habang nagtititigan. Ngumiti lang ako at yumakap sa kanya habang umuupo ako sa harapan niya. Payapa lang akong pumikit habang naghahabol ng hininga. Tahimik ang paligid at nakakaantok ang yakap niya.
"Ano bang nangyari dito?" Ngumuso siya paturo sa balikat ko na malapit sa mukha niya.
"Matulog na tayo." Pag-iwas ko sa tanong.
Nagulat ako nang punitin niya ang suot kong damit at marahas na tinignan ang sugat ko. Seryoso siya habang nakatitig doon. Muli siyang tumingin sa mga mata ko kaya umiwas kaagad ako ng tingin. Kinakabahan akong malaman niya. Sigurad
