DIANA POINT OF VIEW
Kanina ko pa tinititigan ang singsing na binigay niya. Alam niya talaga ang tipo ko. Siguro ay nagpatulong siyang mamili kay Philie. Kulay pink ang diamond at heart shape. Hindi kalakihan ang bato pero napakaganda nito.
"Baka malusaw 'yan."
"Phillip!" Napatayo ako sa gulat sabay baling sa president's office. "Bakit nandito ka?" bulong ko habang hinihila siya palabas.
"Bawal ba kitang bisitahin sa trabaho?" Ngumiti siya at hinimas ako sa ulo.
"Asaan si Philie? Bakit hindi mo kasama?" Tumingin kasi ko sa paligid at likuran niya pero wala ang anak namin. "Huwag mong sasabihin na kaya ka nandito ay nawala mo si Philie." Nagpamewang na ko at tinarayan siya.
Mahina siyang tumawa habang tumitingin-tingin sa paligid. "Pinilit niya kong ipasok siya sa daycare," bulong ni
