DIANA POINT OF VIEW
"Mommy, wala ka pong work ngayon?" nakangiting tanong ni Philie habang nagluluto ako sa kusina. Umiling lang ako at pinatikim siya ng luto ko. "Ibig sabihin po, pwede tayong maglaro?"
"Syempre naman."
"Si Daddy po?"
"Nag-work siya syempre kaya tayong dalawa lang."
Mukhang nagtatampo siya sa akin dahil sa naging sagutan namin kagabi. Pagkagising ko kaninang umaga, nag-iwan lang siya ng note na 'wag na kong pumasok. Iniwan niya kami dito sa maliit niyang bahay.
Paano kung maghinala sila, 'di ba? Ilang araw na nga kaming nawawala na parang bula tapos ngayon mag-isa lang siyang magpapakita.
Nagulat ako nang may malakas na kumatok sa pintuan. Kinabahan akong bigla para sa anak ko. Dahan-dahan akong gumalaw at pasimpleng dumampot ng kutsilyo.
"Philie, taguan tayo. T
