DIANA POINT OF VIEW
"Baliw talaga siya," inis na sambit ni Phillip.
Kanina pa siya nakatitig sa harapan ng TV at palipat-lipat ng channel para lang sa iisang balita. Iyon ay tungkol sa naganap na malakihang sunog. Nadamay ni Felipe ang mga kalapit na bahay at gusali matapos niyang sunugin ang kuta nila Arnold.
"Tama na 'yan." Kinuha ko ang remote at ako na mismo ang pumatay na kinatingin niya. "Matulog na tayo," mahinahon kong sagot sa pagtingin niya.
Umiwas lang siya ng tingin habang umiigting ang panga. Halata ang yamot at inis sa mukha niya ngayon. Gusto ko siyang i-comfort pero matigas siya pagdating kay Felipe.
"Ikaw na ang unang matulog. Dito muna ko."
"Phillip, alam kong pagod ka rin. Bakit hindi ka pa sumabay sa akin?" Niyakap ko siya ng akbay at pilit na tinignan sa mga mat
