DIANA POINT OF VIEW
"Tumira na dito si Cindy? Kayong dalawa lang?!" gulat kong sigaw nang kausapin niya ko sa labas. Tulog na si Philie at nakayakap pa sa stuff toy na 'yon.
"Huminahon ka nga."
"Sabi mo wala kayong naging relasyon?!" Dinuro ko siya.
"Wala nga. Nakitira lang siya dito noong magkaaway sila ni Sean," mahinahon niyang paliwanag pero hindi pa rin ako makapaniwala. "Walang nangyari sa amin kung 'yan ang iniisip mo."
"Anong wala? Ikaw pa! Sa tingin mo ba maniniwala ako?!" Nilakihan ko siya ng mata. "Ang liit-liit ng bahay na 'to at iisa lang ang kama! Tapos sasabihin mong wala?!"
Tumawa siyang bigla kaya lalo pa kong nainis. Umupo siya sa papag at pinagmasdan ako na inis na inis. "Ito ang kama ko. Doon siya sa loob." Tinapik niya ang papag na 'yon at muli akong tinawanan n
