MABILIS na pinunasan ni Maisha ang mga luha sa pisngi nang marinig niya ang boses ng kaniyang kaibigan na paakyat ng bahay-kubo. Inayos niya ang sarili pagkuwa'y agad na tumalikod sa gawi nito.
"Maisha—okay ka lang ba? Kanina pa kita hinahanap." anang Vev at naglakad na rin palapit sa puwesto niya.
"O-okay lang ako." aniya. Narinig niya pa ang pagpapakawala nito ng malalim na buntong-hininga bago mabilis na tumalima at umupo sa tabi niya. Sumilip ito sa mukha niya.
"Umiiyak ka e! Paano ka naging okay?" may pag-aalalang tanong ni Vev sa kaniya. "Bakit? Puwede mo sabihin sa 'kin ang problema mo." dagdag pa nito pagkuwa'y tinapik-tapik ang kaniyang likod. Imbes na tumigil ang pag daloy ng kaniyang mga luha ay mas lalo pa iyong bumuhos.
Nakasimangot na nilingon ni Maisha ang katabi. "Sabi
