"Mama!" biglang bulalas ni Marilag.
Nagising siya na tagaktak ang kanyang pawis dahil sa masamang panaginip. Bihirang-bihira na mangyari na mapanaginipan niya ang kanyang mga magulang. Simula ng sabihin ng kanyang Kuya Arlott na hinala nito ay patay na ang kanilang mga magulang. Simula noon hindi na siya nagtanong o nag usisa pa tungkol sa mga ito. Lalo pa at minsan na niyang nakita ang kaniyang Kuya Arlott na umiiyak, habang kinakausap ang picture sa kwentas nitong suot-suot na sa pagkakatanda niya ay bigay pa ng Daddy nito noong huli nila itong makasama.
Ngayong muli niyang napanaginipan ang kanyang mama ay hindi niya napigilan ang umiyak. Miss na miss na niya ang kanyang mama at papa at kung totoo man na patay na ang mga ito. Bakit hanggang ngayon ay napapanaginipan pa rin ang kanyan
