HINDI pa tuluyang sumisikat ang araw ay nagising na ang diwa ko. Napabuntong hininga ako nang pagmulat ng mga mata ay ang mukha agad ni Khai ang sumalubong sa akin. Mahimbing pa rin itong natutulog.
Ilang saglit ko pa siyang pinagmasdan sa aking harapan bago mariin na napapikit. Malinaw kong naaalala ang bawat detalye ng nangyari kagabi. At ngayong tila bumalik na ako sa katinuan, hindi ako makapaniwala na talaga ngang naganap 'yon.
Ang buo kong plano, kung aamin man si Khai na may epekto sa kanya ang ginawa kong pang-aakit ay gagamitin ko 'yon laban sa kanya. Aasarin ko siya nang aasarin sa bagay na 'yon para tapakan ang ego niya. Iyon lang talaga ang plano ko. Pero ang nangyari kagabi... wala 'yon sa plano!
Napabuga ako ng hininga bago nagmulat na ng mga mata. Maingat akong umalis mul
