Nagpatuloy lang kami sa paglalakad ng kapatid ko. Walang nangangahas na magsalita at walang nagtatangkang tumigil dahil kahit gustuhin kong bumitaw sa pagkakahawak niya at tumakbo pabalik ay hindi ko kaya. Hindi ko kayang biguin at saktan ang kakambal ko.
Hindi ko kayang makitang ganito si Alex.
Tuluyan na kaming nakalabas sa villa at muling naglakad pakaliwa kung saan ay may naghihintay sa amin na owner type na jeep. Huminto kami sa harap niyon.
"Sakay na Alyssa." Wika ni Alex
Bumaling ako sa kanya at hindi ko na napigilan ang pagtulo ng luha ko.
"Bakit Alex? Bakit kailangan natin na umabot sa ganitong sitwasyon?" Mahina kong turan at pinunasan ang luha ko.
"Bakit Alyssa? 'Di ba ay ayaw mo naman sa kanila? Ikaw na nga ang nagsabi na dahil sa kanila kaya impyerno ang buhay mo sa St
