"Huh?" Narinig ko naman ang sinabi ni Jeremy pero parang ayaw mag-process ng utak ko. Feeling ko nabibingi lang ako. Matagal ko ng pinapangarap na maging girlfriend niya. Minsan iniimagine ko pa nga na nanliligaw siya sa akin. Pero ngayon na tinanong niya sa akin kung anong mararamdaman ko kapag naging girlfriend niya ako ay ‘di ko alam kung ano ang isasagot. Eh, sa malamang matutuwa ako! But the way he asked me that bothers me a lot.
“Sabi ko pwede ba kitang maging girlfriend?” ulit nito.
“Nakahithit ka ba ng katol?” kunot-noo kong tanong sa kanya.
“Ang sama talaga ng ugali nito,” agad na komento ni Jeremy na pinitik pa ako sa noo.
“Aray ha?” reklamo ko sa kanya na sinuntok nang mahina ang balikat habang hinahaplos ng kaliwa kong kamay ang noo ko. "Sino ang 'di magdududa sa sinabi mo
