Busy kami ni Ashley sa paghahanda sa kusina para sa gagawin naming barbecue party. Hindi na namin kailangang pumunta ng palengke dahil noong dumating pala si Ashley ay dala na niya ang mga sangkap na kakailanganin bago niya ako pinuntahan sa kwarto ko. Medyo nagulat pa ako nang makitang maraming plastic bag na nakalagay sa island counter ng kusina namin. Tinutulungan din kami ng dalawa naming katulong na sina Manang Adel na isang biyuda. Matagal na namin siyang katulong pati na ang anak niyang dise ocho na si Mila na nag-aaral ng vocational course every Sunday. Silang dalawa ang mga kasama ko sa bahay.
Ang mga magulang ko kasi ay nag-migrate na sa States. Matagal na nila akong pinapasunod doon pero ‘di ako pumayag. At alam nilang isa si Jeremy sa dahilan kung bakit nagpaiwan ako, aside
