Nathan's POV
HABANG papalayo ang sasakyan ko sa kinaroroonan ni Jhauztine ay lalong nagtagis ang mga bagang ko sa galit dahil sa nalaman ko. Pag-alis pa lang namin sa Monreal Company kanina ay napansin ko na kaagad ang pagbabago ng mood ng asawa ko. Hinayaan ko siyang manahimik kahit ng nasa biyahe na kami pero hindi na ako nakatiis nang pagdating namin sa pinagtatrabuhan nito ay hindi pa rin ako kinikibo.
At wala talaga akong balak pababain siya ng sasakyan ko hangga't hindi niya sinasabi sa akin ang dahilan ng kaniyang pananahimik. Okay at masaya kami kanina kaya alam ko na kaagad na may mali sa kaniya paglabas pa lang ng restroom.
At hanggang ngayon ay hindi ko matanggap ang dahilan ng pananahimik niya kanina. Hinding-hindi ko matatanggap na babastusin siya ng kahit na sino lalo na
