Jhauztine's POV
NANG umagang iyon ay nagtaka ako dahil mas nauna pa akong magising kay Nathan, matapos ko kasing maghanda papasok sa trabaho ay nakaugalian ko ng dumiretso sa kusina para uminom ng fresh milk. At sa tuwina'y maaabutan ko si Nathan sa kitchen na naghahanda ng pagkain ko. Nasanay ako na gano'n ang routine namin sa loob ng ilang araw na hindi ko pagkibo sa kaniya.
Pero nang araw na iyon ay walang Nathan akong naabutan sa kusina. Walang nakahandang pagkain at kahit ang babaunin ko sa trabaho.
"Baka nagsawa na," sabi ko sa aking sarili.
Hindi ko naman na mas'yadong inisip iyon, uminom lang ako ng fresh milk at saka lumabas na mula sa kusina. Dala ang backpack ay lumabas na ako ng bahay namin ni Nathan pero hindi pa man ako nakakalayo nang matigilan ako.
Naisip kong kahi
