Jhauztine's POV
"D-Daddy.." nanginginig ang boses na sabi ko.
Ngumiti sa akin si Daddy pero hindi man lang iyon umabot sa mga mata nito.
"Let's go?" Mahina nitong anas.
"S-Sige po," sabi ko at lalong humigpit ang kapit sa braso ni Daddy.
Habang naglalakad sa aisle kasama si Daddy, ramdam na ramdam ko ang mga mata nilang nakatutok sa akin. Iginala ko ang mga mata sa paligid at halos karamihan sa kanila ay naawang ang mga labi at waring hindi makapaniwala. Malamang sila iyong nakakakilala sa kapatid ko na dapat ay bride ni Nathan. Muli kong ibinalik sa harap ang mga mata ko at nakita ko ang mga magulang ni Nathan na mababakas sa mga mukha ang pagtataka. Maging si Andreus na nasa tabi nito ay nagtataka rin ang mukha.
Kinakabahan na ako at nanghihina ang mga paa para makalakad nang maa
