Jhauztine's POV
"SALAMAT sa libreng lunch," pasalamat ko kay Niel nang matapos kaming kumain.
"You're welcome. Sana nabusog ka," napapangiting sagot naman nito.
Tinaasan ko lang ito ng kilay dahil alam kong tinutudyo niya ako sa dami ng kinain ko. Sumungaw naman ang isang simpatikong ngiti nito habang nakamasid sa akin. Nang hindi ko na matagalan iyon ay tumayo na ako. Hindi ko inaasahan na sa pagtayo ko mabilis din itong tatayo at aalalayan ako. Hinila nito palayo ang bangkong inupuan ko at mabilis akong hinawakan sa siko.
"Kaya ko na, salamat." Gusto ko siyang lumayo sa akin dahil napansin kong nakatingin na sa amin ang mga kumakain sa restaurant na iyon. Siguro nagtataka sila kung bakit sabay kaming nag-late lunch ng isang mala-adonis tapos ako mukhang galing pa yata sa bundok sa
