Nakapikit akong bumilang ng hanggang tatlo habang hawak ko ang dalawang maleta ko sa hagdanan. "Isa, dalawa, tatlo.." Saka ako mapait na napangiti.
Lumingon ako sa pintuan ng kwarto niya pero walang Lisa na lumabas para habulin ako. Siguro nga sobra ko siyang nasaktan. Nakatulog na siya kagabi sa pag-iyak, doon pa lang dapat hindi na ko umaasa ngayon na habulin niya.
Tulad nga ng sabi niya, huli na ko. Ayaw niya na.
Ngayon pa lang, alam ko ng masasapak ko ang sarili ko kapag naalala ko siya. Ngayon pa lang, malaki na ang pagsisisi ko.
Natauhan na lang ako na may hawak ng alak sa isang kamay, nakaupo sa madilim na lugar habang nakatulala pa rin at iniisip ang lahat ng naging pagkakamali ko.
"Boy!" May umakbay sa balikat ko na mabilis kong tinignan. "Ngayon na lang ulit tayo nagkita ha?
