SALUBONG ang kanyang mga kilay nang pumasok si Pinky sa kanilang bahay. Masama ang kanyang loob dahil kay Harris.
"Inang reyna?" tawag niya sa kanyang mommy. Hindi niya kasi ito mahanap sa kusina. Umakyat siya sa taas at kumatok sa master's bedroom ngunit walang sumasagot.
"Inang reyna ko?"
Ngumuso siya at idinikit ang kanyang mukha sa pinto. Bumuntong hininga siya at pinalubo ang kanyang pisngi. Wala pala ang kanyang inang reyna. Mukha itinanan na naman ng daddy niya.
What to do now?
Naisipan niyang pumasok na lamang sa sarili niyang kuwarto at nagpalit ng damit. Bumaba siya at tinungo ang kanyang alaga sa likod ng mansyon.
Naabutan niyang kumakain si Letchie. Mukhang kakalagay lang ng pagkain nito. Si kuya Oscar, ang hardinero nila ang nag-aalaga sa biik sa tuwing nasa eskuwelahan
