HABANG MINAMANI-OBRA ang manibela ay naringgan ni Brix ang pagtunog ng cellphone niya, inikabit niya sa tenga ang headset.
Nakakunot-noo siyang nakinig sa boses sa kabilang linya. “What, Leo, wala ba talaga? Sigurado bang sumuot na kayo sa kasuluk-sulukan ng kung saan mang panig ng Maynila?”
Isang buwan narin niyang pinapahanap si Carmen sa kakilala niyang private investigator. Noong minsan niyang tanungin si Nong Pedro, hindi ito nagbigay ng ano mang sagot, kinalaunan, naawa ata sa kanya, sinabi nitong baka nga raw ay bumalik na ng Maynila ang dalaga, wala narin itong dahilan para maglagi sa siyudad.
Simula nga ng engagement party nila ni Fiona ay halos gabi-gabi na siyang hindi makatulog. May kung anong bumabagabag sa isip niya. Lagi niya na lamang naaalala si Carmen,
