Khloe Amelia's POV
Walang modo sa mga magulang niya, desisyon niya ang gusto niyang palaging nanaig, gusto niya sa kanya lahat sumasang-ayon ang mga bagay, masyado niyang pinapanindigan na siya ang amo ko at masyado siyang makasariil... 'Yon ang mga ugali na nakita ko sa isang panganay na Aceves.
Wala akong magagawa dahil gano'n na talaga ang amo kong 'to na kanina pa iniisa-isa ang mga makina na ginagamit sa pag gawa ng wine.
"Bakit hindi mo subukang gumawa ng wine?" mahinahon na tanong ko kay Neandro na nakatalikod sa gawi ko.
Kanina pa kasi niya pinapanood ang mga trabahador sa pag gawa ng wine. Sa tingin ko nga naiilang na sa kanya ang mga trabahador dito sa factory dahil sa mga mata niyang nagbabantay.
"Susubukan ko kung gusto ko. Mukha bang gusto ko?" malamig na saad nito sa a
