الفصل الاول

1424 Words

في شقة يسري بعد فرح سما وطارق طارق واقف بالقميص بعد ما قلع جاكت البدله وبص لسما لقاها باصه في الارض وبتفرك في ايديها ومتوتره وقال.. طارق متتوتريش واهدى كده انا في كلمتين في الاول هقولهملك سما قعدت بفستانها علي السرير وبصت في الارض وقالتلو قول انا سمعاك طارق قعد وحط ايده علي وشه وبعدين اتنهد وقال انا مقدرش اعيش معاكى وانا قلبي مع واحده تانيه انا بحب واحده بتشتغل عندى في الشركه اسمها رزان وابويا هو اللي ضغط عليا علشان اتم الجوازه دى انا طول عمري بعتبرك اختى بس هى الظروف جت كده فسامحينى انا مقدرش اعيشك معايا علي وهم سما كانت بتسمعه والدنيا واقفه وحاسه نفسها متخشبه مش عارفه تعيط ولا تزعق ولا تكرهه ولا ايه مش فاهمه لغبطه وكوكتيل مشاعر اتجمعو في زهول بس نطقت كلمه واحده سما ااانت هتطلقنى طارق برق بعنيه واتفاجأ بردة فعلها وقال لا مينفعش علي الاقل دلوقت سما طيب طارق قلق من رد فعلها برضو واستنا تتكلم بس متكلمتش او تزعق فيه فقال طارق احم ياريت الموضوع ده محدش يعرف بيه هيبقا بيني وبينك بس سما موضوع ايه انتا هتخبي جوازنا ولا هتخبي الطلاق طارق لا جوازنا ايه تلاقي اصلا الخبر اتنشر في الشركه انا علي اتفاقنا بس فتره ونشوف حل سما في نفسها طبعا خايف عليها وعلى مشاعرها همك الشركه تعرف بس طارق طيب هاسيبك انا براحتك ولو حد سالك الصبح قولي كل حاجه تمام او الحمد لله سما هزت راسها وسكتت وهو خرج من الاوضه وقعد يتصل بالموبايل سما قعدت سارحه وافتكرت من كام يوم ايه اللى حصل فلاش ********* الساعه واحده الظهر في شقه في احد احياء القاهره الشقه مكونه من ثلاث غرف وصاله ومطبخ وحمام ابراهيم والد سما دخل شقته واخد الطلبات اللى جايبها في ايده في اكياس ودخل المطبخ وقعد يجهز الاكل علي بال ما سما ترجع من شغلها ساعه او ساعتين اتفتح الباب سما الله الله الله ايه الريحه الحلوه دى يا هيما ابراهيم بزهول مصطنع ريحه ريحة ايه هو في حاجه اتحرقت سما بضحك اقولك ريحه حلوه تقولي حريق انتا عامل فراخ وبطاطس في الفرن صح ابراهيم ? اه هى الريحه حلوه للدرجادى سما طبعا هو في حد يعرف نفسك وريحة طبيخك الحلوه دا انا اميزها من بين روايح العماره كلها ابراهيم طيب يا اروبه خلصي علشان انا واقع من الجوع سما فوريره وهتلاقي الاكل علي السفره اتغدت هى وباباها وقعدو يتف*جو علي التليفزيون ويشربو شاي زي اي بيت مصري اصيل ابراهيم بصلها وقال ابراهيم عمك يسري وطارق جايين بعد بكره ابقي كلمي ثريا تنضفلهم الشقه سماوقلبها بيتنطط من الفرحه بس على وشها ابتسامه بسيطه بجد بس ده مش معاد اجازتهم هما هيقعدو قد ايه ابراهيم مش عارف ادينا هنشوف لما ييجو المهم متنسيش كلمى ثريا علشان تلحق تجهز الشقه سما حاضر مسكت موبايلها ورنت علي ثريا وقالتلها تشوف تيجى بدري بكره علشان تنضف شقة عمها سما ادينى كلمت ثريا وهتيجي من الصبح بدري ان شاء الله ابراهيم تمام انا جبت طلبات النهارده علشان نجهزلهم اكل لما ييجو ونحطه في تلاجتهم ويتغدو معانا اول يوم ان شاء الله اعملى حسابك في الشغل وكده سما اوك وبعدين سكتت شويه وقالت هو في حاجه ابراهيم حاجة ايه سما وشك متغير ليه يا بابا هو في مشكله معاك انت وعمى ابراهيم لا مفيش مشاكل ولا حاجه متقلقيش سما طيب ربنا يسترها في الامارات يسري اخو ابراهيم هو قاعد في بيته من ساعة ماجه الامارات كان بيجهزه علشان يعيش فيه هو ومراته وابنه لكن كان لسه في بداية حياته ومقدرش يجيبهم معاه كانو مع اخوه في مصر بس مراته ماتت بالكانسر وطارق عنده 16سنه واخد ابنه معاه الامارات ودخله مدارس وجامعه خاصه وانشغل بالشغل لحد ما عمل الشركه وبقا عنده راس مال وتجاره مربحه وشغال عنده في البيت زينب وجوزها عبد الله مصريين وشغالين عنده للبيت والجنينه مرات يسري ومرات ابراهيم اصحاب وجيران واجوزو اخوات ومرات إبراهيم مامت سما اتوفت من خمس سنين في بيت يسري عم سما كان نازل من اوضته علي السلالم يسري زينب يا زينب زينب ايوه يا افندم يسري. نادى لطارق عايزه عندى في المكتب تحت زينب حاضر تطلب حاجه تانيه يسري فنجان قهوة مظبوط زينب ثوانى واجيبه لحضرتك دخل يسري المكتب وبعدها طارق خبط علي الباب يسري ادخل طارق حضرتك عايزنى يسري اه جهز نفسك هننزل مصر بعد بكره ان شاءالله انا حجزت تذكرتين ليا وليك طارق بس ده مش معادنا يسري لازم ننزل هاتتجوز بنت عمك سما وترجعو مع بعض طارق طب مانا اتكلمت معاك قبل كده اشمعنا دلوقتى يسري عشان .......... قعد يسري وطارق يتكلمو كتير وانتهى الكلام ب طارق اللي تشوفه حضرتك انا هعمله وخرج من المكتب بعد يوم وليله وصل يسري وطارق البيت وكان في استقبالهم ابراهيم وسما وبعد السلامات والغدا يسري نخش في الموضوع علي طول يا اخويا انا بطلب ايد سما لطارق ابنى سما ات**فت وقامت دخلت لجوه اوضتها ابراهيم ? مفيش داعى للرسميات دى يا يسري احنا اخوات المهم اسمع طارق هو موافق ولا لاا طارق اتعدل في قعدته وبص لباباه وقال هو انا لو مش موافق يا عمى هقعد معاكو كده اكيد موافق المهم موافقتها هى ابراهيم انا مفاتحتهاش لسه بس هدخل اشوفها واجيلكم وربنا يجعل الخير وتكونو من نصيب بعض يا طارق يا ابنى راح ابراهيم وخبط علي بابا اوضة سما سما كانت اول ما دخلت قعدت تتنط وتكتم ضحكتها وتقول استنيت طول حياتى اللحظه دى طول عمري بتمناه وبدعي ربنا انه يكون من نصيبي وقسمتى واخيرا ربنا استجاب اااه يارب لك الحمد انا خلاص مش عايزه من الدنيا حاجه تانى انا مش مصدقه ?? وسمعت خبط علي الاوضه هديت شويه وعدلت صوتها وقالت مين ابراهيم انا يا سما بابا سما اتفضل يا بابا ادخل ابراهيم ايه انتى ات**فتي من كلام عمك سما احم انا امم شويه ? ابراهيم طيب انا ملاحظ من زمان ووالدتك الله يرحمها ومرات عمك بس ده كان كلام وانتو عيال صغيرين انت بتميلي لابن عمك طارق سما بصت واتحرجت ترد ابراهيم تمام هاعتبر الاجابه وصلت لكن الجواز حاجه تانيه انا طول عمري بتمنى اشوفك عروسه مع اللي يقدرك وتتبسطى معاه اي واحد مش ضروري طارق اي واحد من اللي كانو بيتقدمولك انا كنت بقيمهم يستاهلو بنتي يستاهلو تعبي في ربايتها انتى اغلي حاجه عندى وبدعي ربنا يرزقك بزوج صالح يتقي ربنا فيكى فمتستعجليش خدى وقتك وردى عليا سما خافت لباباه يرفض او موصلتلوش انها موافقه فقالت انا هابقا ص**حه مع حضرتك انا موافقه علي طارق ولو حضرتك شايف انه مناسب ليا وللي بتتمناه ليا انا معاك ابراهيم بفرحه طيب انا هاطلع لعمك بره وارد عليه علشان اتاخرت عليهم ولينا كلام مع بعض تانى وباس راسها وطلع سما قعدت تفكر في كلام ابوها خافت شويه بس حاسه ان طارق فيه كل اللي تتمناه واللي ابوها قال عليه هو طيب وكويس وحنين ومتربي معاها طول عمرها بتتحاما فيه وبتحبه طول عمرها مش شايفه غيره كل مايتقدملها حد مش شايفه غير طارق هو اللي قاعد قدامها وقاعد جمبها في الكوشه هو اول حب واول انجذاب واول لمعه من عنيها ليه ابراهيم طلع لبره كان طارق ويسري قاعدين ساكتين قال احم انا كلمتها وهى موافقه شوفو المعاد المناسب ليكم يسري طيب يبقا علي خيرة الله وخير البر عاجله بكره شبكه وكتب كتاب وبعده نعمل فرح علي قدنا ونعزم معارفنا والعرسان يسافرو يقضولهم يومين واحنا نبقا نحصلهم باذن الله ابراهيم علي خيرة الله ولا ايه رأيك يا عريس طارق اللي تشوفه يا عمى انتا وبابا انا موافق عليه ابراهيم طيب انا هابلغها ولو ليها راي تانى هرد عليكم يسري انا هاروح ارتاح في الشقه شويه انا وطارق علشان عندنا لفه طويله هنبتدى فيها ابراهيم هاقولك زى كل مره الشقه هنا ملككم عايزين تريحو براحتكو ولو عايزين شقتكم هى جاهزه بكل حاجه تحتاجوها هنا وهنا بيتكم ومطرحكم يسري طبطب علي كتف اخوه وقال هنا وهنا واحد انا عارف من غير متقول طول عمرك صاحب اصول يا اخويا تسلم ياغالي استاذنو وخرجو وكل واحد شاف حالو وابراهيم حكا لسما وهى فرحت خالص وقالت بابا هو احنا هنسافر كلنا صح ابراهيم لا يا حبيبتى انتى هتسافري انتى وطارق الاول وبعدين انا وعمك يسري هنحصلكم باذن الله سما طب ماتيجو معانا احسن ابراهيم ايه انتى هتخافي من جوزك ولا ايه ? سما لا مش.كده انا مش متعوده علي البعد عنك وانا عايزاك معايا منين مروح ولا انتا هتخلص منى وتتجوز ابراهيم ? مش هتبطلي لماضه لا يا ستى مش ناوى علي جواز ارتاحي بقا انا ناوى علي جوازك انتى يا قمر ونامى بقا علشان بكره ان شاء الله هنقي الشبكه ونختار الفستان وكل حاجه هتتعبي من اللف والدوران وابقي شوفي صحبتك دى اللي اسمها نيره علشان تبقا معاكى سما اكيد دى بتموت في اللف والشوبينج حتى لو مش ليها بس هو مش غريبه السرعه دى انا عارفه ظروف عمى ومقدره والله بس السرعه دى موترانى يا بابا ابراهيم يا حبيبتي احنا اهل ومفيش بينا الحاجات دى وعارفين بعض وعايشين عمرنا كله مع بعض وناس كتير اجوزو كده سما اوك انا هرن علي نيره ونرغي بقا ? ابراهيم وانا هاريح شويه سما بابا اعملك حاجه تشربها ابراهيم لا انا هابقى بخير لما انام شويه

Free reading for new users

Scan code to download app

App Store Google Play

Facebookexpand_more