"BYE ma'am dyosa." Lahat ng mga empleyado ko ay ihinatid ako sa labas ng resto ng hapong iyon. Katatapos lang ng trabaho ko habang sila ay mamayang gabi pa.
Nakangiti rin akong kumaway pabalik.
"Isara niyo ng maayos ang resto okay? Babalik ako bukas."
Sabay sabay silang tumango. "Yes ma'am dyosa." Sagot nila.
Ngumiti ako bago nagsimulang maglakad papunta sa motor ko na ipinarada ko sa likod ng resto ko. Pasipol sipol ako habang nilalaro sa mga daliri ko ang susi na may nakasabit na key chain na hugis baril. Paborito ko ang magkolekta ng mga ganito at itong hawak ko ngayon ang pinakapaborito ko.
Natigilan ako sandali ng makitang may taong nakasandal sa motor ko. Nakayuko ito habang abala sa cellphone na hawak, hindi ko man kita ang mukha pero basi pa lang sa pangangatawan at tindig ay
