“Kumusta na ang pakiramdam ninyo, mommy?” ang tanong ni Jerome nang pinuntahan namin ang kanyang mommy na nasa kabilang kuwarto lang ng ospital. Nagkaroon kasi siya ng pinsala sa katawan bunsod ng pambubugbog sa kanya ng kanyang asawa. May bali ang kanyang isang kamay, may sugat ang kanyang ulo gawa ng paghataw ng baril, may black eye, putok ang labi, masakit ang buong katawan dahil sa bugbog. Nakaupo si Jerome sa silya na nasa gilid ng kama ng kanyang mommy, hinawakan ang kanyang kamay.
Nakaupo lang ako sa gilid ng kuwarto sa may dingding, katabi ko sina Jason at Jonas, ang mga kapatid ni Jerome. Hindi ko kasi alam kung naroon pa rin ang galit niya para sa akin.
“Okay lang ako.” ang sagot ng mommy niya. “Ang gusto kong malaman ay kung okay na ba si Steff...” dugtong niya.
“Okay lang s
