Gumilid ng higa si Raven ngunit kahit ano pang pwesto niya ay hindi siya dapuan ng antok. Kaya naman ay bumangon siya at naglakad-lakad sa bahay niya, at hindi akalain na dadalhin siya ng kaniyang mga paa papunta sa guestroom kung saan niya pinatuloy kagabi si Hestia.
Napatingin siya sa may kama, blangko iyon kagaya ng mga nakaraang buwan bago niya makilala ang secretarya. Napa-isip siya, kahit ba naman na sinabi nito na maayos na siya at may nakuha ng apartment, ay hindi siya sigurado kung nagsasabi ito ng totoo. Naalala niya ang itsura nito nung gabi na sinundo niya ito at natagpuan na nakaupo sa gilid ng daan. Naalala niya ang mga sinabi nito, ang paghingi ng tulong nito dahil wala nang malalapitan. Tapos sa isang iglap ay parang hindi na nito kailangan ng tulong niya?
"Maayos kaya s
