HINDI tiyak ni Florence kung tamang makipag-usap o makipagkita pa ulit siya kay Jason. Sa lahat kasi ng mga kaibigan nila ay ito ang pinakamalapit kay Colin. Hindi rin siya nakatiis. She contacted Jason. Nagkita sila nito sa isang coffee shop malapit sa head quarters.
"Florence, kumusta ka na? Akala ko hindi na tayo magkikita."
Isang nahihiyang ngiti ang iginawad niya dito. "Umuwi ako dito minsan. Hindi mo lang siguro nabalitaan."
"O sadyang hindi mo ipinaalam?" ani Jason kaya siya natigilan.
Nagbuntung-hininga ito. "Alam mo, Florence... nabigla ako sa mga nangyari. Ang totoo... nalungkot din ako. Hindi ka na kasi iba sa akin. Lalo na si Colin. Akala ko nga, ni isa sa inyo, hindi ko na makikita ulit. At least, ngayon, nandito ka na. Si Colin kaya, kailan magpapakita?"
Ilang sandaling
