KABANATA 30
MAGKAHAWAK ANG kanilang mga kamay habang ang mga mata'y nakamasid sa mala-kahel na karagatan dahil sa paglubog ng araw. Malayo sa pantalan ang isla na kanilang pupuntahan kaya marami-raming kagamitan ang kanilang dinala.
"Sir?" Bumulong si Mina kay Nigoel.
Kumunot na naman ang noo ni Nigoel. "Why you're calling me that again? How many times do I have to remind you about me hating that word. Hindi na kita sekretarya, Mine! Magiging asawa na kita pero nagsi-sir ka pa rin sa akin," ani Nigoel.
Mina giggled. Gustong-gusto niyang makita na napipikon ang kasintahan. Hindi niya kasi maipaliwanag bakit may satispaksiyon na dinudulot sa kaniyang pagbubuntis na makitang mapikon si Nigoel. At kapag nagalit naman ang lalaki ay iiyak siya dahil sa sensitib
