KABANATA 31
MATAPOS ANG malalim na pag-uusap ng dalawa ay naisipan nilang bumalik sa cottage. Sinilip ni Mina ang kaniyang anak at tulog na pala ito sa loob ng sariling tent.
"Wala pa sila Lilliene?"
Umiling si Nigoel at patuloy lang sa pagpaypay ng inihaw na hito. Puno na ng pawis ang lalaki at may mga bakas ng daliri sa kaniyang puting damit dahil sa uling.
Tumingin siya kay Mina at ngumiti. Lumapit si Mina at kinabig ang ulo ng lalaki. Yumuko si Nigoel kaya naman ay nagkaroon ng pagkakataon si Mina upang punasan ang mukha ng lalaki.
"Thanks, Mine."
Ngumiti si Mina at patuloy lang sa paglunok. "Gusto ni Migo ng mangga na isawsaw sa catsup," agad niyang sabi.
Umiling si Nigoel subalit panay ngiti pa rin ito. Inisip lang niya kung gaano ka-weird ang gu
