Kapwa kami walang kibuan ni Calix nang muli kaming nakihalubilo sa mga bisita.
Sinadya kong medyo lumayo kung nasaan sina Mommy at Daddy para di ako maobligang ipakilala sa kanila itong kasama kong kahit na tahimik na nakasunod lang sa'kin ay walang ka-effort-effort na nakakuha ng atensiyon mula sa bawat nadadaanan naming mga bisita.
Siguro ay isa sa mga dahilan kung bakit wala pang naglakas loob na lumapit kay Calix ay ang presensiya ko.
Ewan ko lang mamaya kung hindi ba kuyugin ang lalaking ito ng mga kababaihan na kung makatingin ay parang gusto na itong dambahin.
Nang nakawan ko ng sulyap ang kasalukuyang apple of the eye ng mga bisitang babae ay parang wala itong pakialam sa paligid o sa atensiyong nakatutok sa kanya dahil ang buong atensiyon nito ay naroon sa kinapupwestuhan nina
