◇PAT◇
"Ayoko. Hindi ako sasama sa'yo!" anas ko. Hindi porke't boss ko siya ay basta-basta na lang akong sasama sa kanya.
"C'mon, Eunice. Matagal tayong hindi nagkita, tapos ayaw mong sumama sa'kin?"
"Bakit? Boyfriend ba kita?" Binalot ng konsensya ang aking dibdib nang makita kong nasakatan siya sa sinabi ko. Bahagya siyang natahimik at umiwas ng tingin.
"I-I'm sorry, Silver. Pero kailangan ko na talagang umalis. May naghihintay sa'kin sa baba." Umigting ang kanyang panga at biglang tumaas-baba ang kanyang dibdib.
"No. Sa'kin ka dapat sumama. Hindi ka puwedeng sumama sa kanya!"
Hindi ko na nagawang magsalita nang walang anu-anong hinatak niya ako papasok ng elevator. Ramdam ko ang higpit ng pagkakahawak niya sa braso ko.
"S-Silver..."
"Hindi ko hahayaang sumama ka sa kanya." Madiin
