Labis na nasaktan si Wilson, dahil umasa talaga ito na maaari pa talaga nilang ibalik ni Celine ang dati sa kanilang dalawa, ngunit sa muli nitong pakikipagkita sa dalaga ay tila tinuldukan na ni Celine ang pag-asang iyon.
Hindi mapigilan ni Wilson na mainis sa sarili, dahil sa masyado niyang niloloko ang sarili na maaring meron pang nararamdaman sa kanya si Celine.
Nang makabalik sa isla ay agad itong nagkulong sa sarili nitong bahay, wala itong gustong kausapin, at ang tanging nais nito ay ang mapag-isa.
Labis na nag-aalala si Andres para sa pamangkin, ngunit wala naman itong magawa. Hindi nito alam ang dahilan kung bakit nagkakaganoon ang pamangkin, ngunit malaki ang kutob nito na may kinalaban ang dati nitong asawa sa pinagkakaganito ng pamangkin.
Tatlong araw na ang lumilipas kaya
