Biglang namayani ang katahimikan sa opisinang iyon matapos ang katanungan na iyon ni Wilson, walang kahit isa sa mga tao sa kuwartong iyon na inaasahan na maririnig iyon mula sa binata.
Wala isa man sa mag-ama ang nagawang makasagot sa tanong na iyon ni Wilson, alam ng mag-amang De Leon na may katotohanan ang katanungan na iyon, kaya naman hindi sila agad makasagot.
Ilang sandali lang ay tila namang natauhan si Vice President De Leon mula sa sandali nitong pagkakatigalgal.
"I'm sorry Sir Kahlen, pero hindi ko maintindihan ang ibig ninyong sabihin," pagmamaang-maangan nito.
Matagal na din ito sa kumpanya, kaya naman alam na nito kung paano lusutan ang mga kasalanan nito, sa isip ni Vice President De Leon ay wala namang pinanghahawakan na ebidensya ang anak na ito ni West Aragones, kaya
