Kabanata VII
Nagsasalansan si Savannah ng mga gamit para makauwi na siya. Hapon na at tapos na ang oras ng trabaho. Trabahong maghapon din na nagulo dahil sa muli nilang pagkikita ni Antonio Gonzàlez at ni Stanley, pero salamat pa rin at natapos na ang araw. Makakauwi na siya para naman maalagaan ang Holy niya. Upon seeing Stanley this morning, si Holy kaagad ang pumasok sa isip niya at ang awa na naramdaman para sa anak. Ang apelyido ng anak niya ay apelyido niya sa pagkadalaga, walang middle name ang bata at walang ama na nakapirma.
Nakakatawa na hindi naman niya iyon mag-isang ginawa pero mag-isa siyang nanganak at mag-isang hinarap ang lahat ng paghihirap.
Minsan, nagtatanong siya sa sarili kung wala kayang puso si Antonio para sa sariling apo? Saang parte kaya ng impyerno galing
