Simula ng makausap ni Janna si Janna Mae muling bumalik ang kanyang kasiglahan. Isa pang ikinasiya niya ay ilang gabi na siyang hindi sinusumpong ng kanyang matinding anxiety, nasa isip lang kasi niya ang pananabik na makitang muli ang kanyang bestfriend. Tapos iniisip pa niya na mahal talaga siya nito, na nagkamali siya sa kanyang mga haka-haka noong halos dalawang buwan siyang hindi nito kontakin. Kahit na ang mga Madre sa bahay ampunan ay napansin ang kanyang kasiglahan at pagkakaibang kasiyahan. Kapag kausap ito ng mga bata ay buhay na buhay, mababassa ang sigla sa mukha nito, sa boses nito at maging sa kilos nito. Kaya naman natutuwa na si Mother Superior na muling bumalik ang kasiglahan ng kanyang pinaka paboritong anak. Maging ang agam-agam at pag-aalala nito para kay Janna ay napaw
