"Wow! Sabi ko na nga ba lola bagay na bagay sa iyo ang damit na iyan!" nakangiting turan ni Cedrick sa kanyang lola na noon ay tuwang-tuwang pinapakita sa kanila ni Rex ang suot nitong blouse na binili niya sa mall kahapon.
"Naku kayo talagang dalawa, salamat ulit dito Apo. Aba ay nalaman ko na binilhan n'yo rin pala ng damit at pantalon itong si Eboy, Aba tuwang-tuwa at pinagyayabang sa kanyang mga kasamahan na binili mo daw iyong damit niya at pantalon. Aba pati sapatos eh ayaw subukang isuot dahil madudumihan daw. Napasaya mo talaga ang batang iyon, alam mo ba na wala na iyong mga magulang. Nakikitira na lamang iyon sa kaniyang tiyahin at lahat ng kinikita niya dito sa farm, sa tiyahin lamang niya napupunta. Napakabait din ng batang iyon, alam mo ba na kapag nasobrahan ko ang sahod n
