Ilang araw nang naglilibot sa mga karatig na Barangay at bayan si Cedrick kasama si Rex at isa pang tauhan sa farm ng kanyang lola. Nagtatanong tanong kasi sila kung may kakilalang Mylene sa lugar na nanggaling sa Barangay na dati nitong tinitirhan. Ngunit wala talaga, nagtatanong tanong din sila kung may 7 years old na pinaampon na nagngangalang Janna. Alam niyang suntok sa buwan yung mga pagtatanong niya pero umaasa pa rin siya na sa pamamagitan non mahahanap niya si Bonenay.
"Para tayong naghahanap ng karayom sa isang bundok ng dayami dude. Mukhang wala na dito ang sinasabi mong tiyahin ni Bonenay. Kasi kung dito lang din sila lumipat sa mga karatig na Barangay eh di kilala nila ito, pero tignan mo naman nalibot na natin lahat pero wala talaga," nawawalan ng pag-asa ng wika ni Rex.
