"HINDI ka pa ba uuwi?"
Nang sabihin niya 'yon sa akin ay kaagad akong nag-angat ng tingin para salubungin ang mga titig niya sa akin. Kasalukuyan kong binabasa ang last page ng huling chapter ng aaralin ko ngayong gabi nang bigla siyang magsalita. Hawak-hawak ko pa ang orange na highlighter sa kanang kamay ko dahil mas gusto ko na hini-highlight ang ilang key terms dito sa libro ko nang sa ganoon ay matandaan ko ito.
Malalim na ang gabi at nagsisimula na ring lumamig pa nang husto ang simoy ng hangin. Paminsan-minsan ko na ring hinahaplos ang magkabilang balikat ko dahil sa hindi ko na rin kinakaya ang lamig dito. I know that I should go home by now, but being here brings me peace. Hindi ko alam kung dahil ba 'yon sa pagiging tahimik ng lugar na 'to at kahit ano ang gawin ko rito ay wala
