“TANGINA.”
Hindi ko maiwasan ang hindi matawa nang marinig ko ang mura ni Cullen habang nakaupo ito ngayon sa harapan ko. Hawak-hawak pa nito ang sentido niya habang minamasahe ‘yon nang bahagya habang nakatingin sa malaking notebook na nakapatong sa lamesa sa harapan namin ngayon, kung saan din nakapatong ang kanang siko niya.
“Hindi pa nga tapos ang suspension ko, tapos ay isu-suspend n’yo na naman ako?” hindi makapaniwalang wika ni Cullen habang hindi inaalis ang tingin doon sa malaking notebook.
May ballpen sa gitna no’n na para bang naghihintay ito sa amin na gamitin siya at ilista ang pangalan namin sa notebook na ‘yon. ‘Yon kasi ang naglalaman ng mga pangalan na may record na rito sa Accountancy Department. Kahit kailan ay hindi ko pinangarap na magkaroon ako ng pangalan sa loob
