"ANO PONG mayroon dito?" tanong ko sa mga kapitbahay namin na nagkukumpulan dito sa labas nang bahay namin pagkarating ko roon.
Nakakunot tuloy ang noo ko habang tinitingnan kung gaano karami ang tao rito sa bahay ngayon na para bang may nangyari na hindi ko lang alam. Nanalo ba kami sa lotto? Hindi naman kasi nagpupunta ang mga kapitbahay namin dito kung walang nangyari.
"Ikaw na bata ka, kanina ka pa tinatawagan!" sigaw sa akin ni aling Minda bago hinampas nang malakas ang braso ko.
Napangiwi ako dahil sa ginawa niyang 'yon pero kinagat ko na lang ang pang-ibabang labi ko para hindi ako makapagmura. Ang bigat ng kamay ni aling Minda kaya naman hanggang ngayon ay nanunuot pa rin sa braso ko ang sakit ng hampas niya.
"Si mama po?" tanong ko sa kan'ya habang nililibot ng tingin ang buo
